يا أول وأخر الاحباب

يا أول وأخر الاحباب
"
"
"
على سلم العرب نحفظ حقوق الجار لامن غاب
وعلى درب الغـرام اللـي طوينـا صفحـة كتابـه
.
بدى عـزف الغـرام اللـي ختـم ألحانهـا زريـاب
بـذاك الحـيّ جعـل المـزن يسقـي يابـس ترابـه
.
عرفنـا بعضنـا بـدري صغـار وهمّـنـا الألـعـاب
كبـرنـا مـيـر طـبــع حلـومـنـا يـانــاس كـذابــه
.
هوتنـي كثـر مادقـت علـى جـال الحشـا أطنـاب
وحطت بيتهـا وسطـه وهـي بالعـون أولـى بـه
.
وأنـا يشهـد علـي الله أبيهـا والعـشـق غــلاب
ولـكــن الـلـيـالـي طـبـعـهـا يــانــاس غــلابــه
.
تقـول أرجـوك لا تبعـد يـاوّل وآخــر الأحـبـاب
انـا مابـي كحـل فرقـاك يـوذي العيـن واشقابـه
.
حشـا مـا هجـت ظـروف المحبـه للردايـا بــاب
مـلاك ٍ طـاهـره والـلـي خـلـق آدم مــن تـرابـه
.
تعاهدنـا علـى صـدق المحبـة والقلـوب قــراب
ونحتـنـا فــي جلامـيـد الـغـرام رســوم جـذّابـه
.
ولكـن الولّـي كـاتـب فــراق ٍ يـجـرح الأهــداب
مقـدّر والمـقـدر حــدّ سـيـف وحــق نرضـابـه
.
توادعنـا وكلـن رافـع كـفـوف الـحـزن طــلاّب
كفوفـي تطلـب المـولـى وهــي بالـدمـع طـلابـه
.
يقولـون الحطـب مـا تجمـعـه إلا يــد الحـطّـاب
وانا صرت اجمع الذكرى واحرقها من اسبابـه
.
توادعنـا وعيـن القلـب تنظـر غيـرهـا احـبـاب
عـذارى والعـذارى فـي عيـون الحـب تتشابـه
.
أبي احرق بقايا الماضي اللي في وصاله خـاب
وأبـي أطفـي لهيـب الجـوف والنيـران شبّـابـه
.
نسيت الحب في زحمـه زمانـيٍ والزمـن كـذاب
سليـت اللـي مفارقـنـي وأقــول الغـيـر يهنـابـه
.
نسيته مع عجاج الوقت يوم الوقت كـث تـراب
علـى وجـه الطمـوح الـلـي تغـدابـي وتعشـابـه
.
ومرت سبعة اعوام ٍ غدو فيها القراب أغـراب
تـمــر ايــــام تــلــو ايــــام والايــــام نـهـابــه
.
وحلّ الموعد اللي ماحسبـت لمثلـه أيّ حسـاب
لقتنـي صدفـة ومعـهـا صغـيـر ٍ حـامـل ألعـابـه
.
ملامح وجهها تحمل من الشرهات ألف عتـاب
ونظـرة عينهـا تحكـي شعـور الحـزن مرتـابـه
.
وقالـت "آآه يامحمـد" وردّ الطـفـل باستـغـراب
"نعم يمّه" .. وكل الحـزن ذيـك السـاع ينتابـه
.
وصدت تخفي دمـوع المحبّـه والهـوى الغـلاّب
وقالت "لا انا اقصـد غالـي ٍ عنـدي مسمّابـه"
.
"رحل مدري عن دياره ولكنّ الوفا مـا غـاب"
"وسميتك عليـه ابغـى عيونـي كـذب تهنابـه"
.
عجزت اتحمّل الموقف مشيت وخافقي منصاب
ألا يـاحـبّ صــادق يــوم كــل الـنــاس كـذّابــه
.
عرفت ان الوفاء مخلوق من حوّاء بلا اسبـاب
وآدم لـو قسـى وقتـه مصـيـره ينـسـى احبـابـه
"
"
"
دمتم بحفظ الله ورعايته